作者: 蘋果日報 日期: 2012年11月25日
黎明同張曼玉今朝早去咗迪士尼,為聯合國兒童基金嘅慈善跑做嘉賓。頭先都話過,今日天公不造美,係咁落雨,搞到個個參賽者變晒「落湯雞」,但無減各人熱誠。幸好後來停咗一陣,就係黎明同張曼玉喺台上碰頭,又攬又笑,天上嘅烏雲都撥開晒,開心晒。
好可惜,自認「開誠布工」但誠信成疑嘅特首梁振英一出場,又落雨。個天又開始喊。究竟點解會發生咁奇妙嘅自然現象?係「天有眼」,定咁啱?
有黎明嘅地方,就有太陽;但有梁振英喺度,太陽都頂唔到呀﹗
今朝實在太早起身,對眼都未擘大。