2013/04/01 黎明講新歌勁拋金句

on.cc 東方互動 2013-04-01

【on.cc 東方互動 專訊】黎明昨晚應朋友邀請出席深圳社團總會就職典禮，當記者提起他剛推出國語新歌《我可以忘記你》，他即有備以來「唉」了一聲，然後發揮「金句王」本色：「我兩年冇唱過歌，唱吓歌啫，一件好普通嘅事，希望鍾意聽我唱歌嘅人鍾意首歌咪得囉！」問到新歌令人聯想到是向前妻樂基兒寄意，黎明繼續「發功」：「冇特別含意，唱一首歌諗咁多含意就好大件事，乜都唱唔到、行又行唔到、做又做唔到人O架喇！唱歌，就係鍾意唱歌咪唱歌，因為我係一個歌手，係應該唱歌嘅，希望大家鍾意依首歌！」語畢即急步走入會場，未有再接受訪問。